六記

营业中

休息中

今日去左揾一个住青衣既朋友仔，佢介绍左附近一间道地大排档一齐食晚饭，虽然话大排档，但原来室内都有几枱座位，座位宽阔，冷气充足，坐得几舒服！入座后可以用QR code 自助落单，好多款菜式拣，我地叫左招牌菜鸡煲同几款小菜送饭！先嚟咗冰冻可乐同埋啤酒，炎炎夏日消暑一流！ 然后就系招牌马拉盏炒通菜， 一上枱已经闻到好香，味道好得！除咗菜，我地仲叫左以下几款：六记招牌鸡煲（半只）： 可以拣不同辣度同麻度，朋友唔太食辣，所以我哋拣咗小辣小麻，仲送生菜，好惹味！五柳黄花鱼：睇到卖相已经好开胃！黄花鱼炸得香喷喷，外脆内滑，好好食！咁样整法，一d腥味都冇！好推介！上汤菲菜水饺：好大只，大过只匙羹，好足料！咸菜胡椒猪肚汤： 估唔到咁大煲，个汤好够味，猪肚好腍，而且加埋咸菜同枝竹，一边食鸡煲一边饮下胡椒汤，呢个配搭都几新鲜！