金西南米線

营业中

休息中

成日都食谭仔、南记，会唔会想食其他特别嘅米线呢？今次黎到一间位于铜锣湾嘅米线铺！金西南米线位于登龙街；至于登龙街系食街黎，我点解要简依间呢？话说有次中午时间，我系铜锣湾''揾食''，见到呢间食店望落好平凡㖞，但入面都几多人咖，于是我就入去试下喇！食完发觉，味道几惊喜，一试就爱上其实我今次唔系第一次食呢间米线，至于爱上呢间米线嘅原因，系因为佢嘅酸辣小锅米线既酸而唔咸，食完唔会好口渴，又好顶瘾！今次系夜晚食嘅，可以睇到个menu，系铜锣湾地段，呢个价钱已经好实惠！饱肚又唔算贵，我嗌左野食加饮品大概30几40蚊，不过，如果系下午茶食，仲包埋饮品！今次我嗌左嘅系鸡丝猪润酸辣米线，虽然卖相一般，但我欣赏佢嘅米线系弹牙嘅，烟烟韧韧。汤底好香，唔会太酸太浓，但配合埋芽菜、青葱、芫茜、韮菜同酸菜，好似好普通，但又几有风味！至于配料，其实睇落份量的确系几少，呢个都系一个不足之处，可能铜锣湾地段租贵，呢个价钱都唔要求咁多喇！整体而言，呢间米线味道唔错！大家系铜锣湾想食一餐经济d嘅时间都可以试下！