慶發飯店

营业中

休息中

自细有爸爸妈妈带我嚟饮茶，今日就由我带男朋友嚟饮茶，呢一间茶楼仔经营时间好特别，大家去之前要睇定先🤤。我最钟意呢度饮茶嘅原因系，呢度有好多旧式点心，例如柴鱼花生粥、鹌鹑蛋烧卖等等，而且价钱唔贵😍。茶芥都只不过系几蚊一个人，仲要唔收加一服务费👍🏻。老火汤 $16饮落饮到啲味精真系少不免㗎啦，不过胜在大碗，连啲骨头都好大旧，男朋友食得好滋味😎。鹌鹑蛋烧卖 $21已经唔系好多地方可以食到，一来成本贵，二来功夫多。呢度嘅鹌鹑蛋烧卖好好食，蒸嘅时间啱啱好，唔会蒸到干争争😍。鲜虾菜苗饺 $21我不嬲都唔食依啲饺，因为觉得个皮好厚😂。原来都可接受，好食㖞！仲要啲虾超大只😛。炸春卷 $15抵！到！烂！$15有三大条春卷，新鲜炸，热到要摊冻先食到🤤。炸得好好，脆卜卜，加埋我最爱既醋，天作之合。香煎虾米肠 $21我最钟意叫啲姐姐煎得香啲，佢地好有心机咁样每条煎到360度都香脆😚。再加上无限量嘅酱，非常好正😍。