鳴虎 (北帝街) (已結業)

土瓜湾被A姐评为全香港最难去嘅地方，其实所谓难去，只系未有地铁，但正正因为未有地铁，所以呢区保留咗好多特色小店。所以就趁地铁开通之前，睇吓呢个好有香港特色嘅社区啦！我哋今日就嚟到土瓜湾嘅鸣虎叹番碗日本地道拉面。芝麻鸡翼鸡翼基本上系香港人最常叫嘅小食，呢个芝麻鸡翼炸到好香脆，鸡皮仲有好多芝麻，够晒香口。鸡翼大大只，够入味，必点推介。黑鸣虎拉面黑鸣虎拉面即系博多黑蒜油味，食面之前就梗系要试啖汤先啦，黑蒜味非常浓厚，蒜油味道好有层次。至于面条幼细，非常挂汤。配料有紫菜、黑木耳丝、流心蛋、葱同叉烧，叉烧有2块，属于五花腩部位，肥瘦适中，入口甘香！鸣海老拉面汤底由香味油、虾味噌同猪骨汤组成，同样地食面之前就梗系要试啖汤先啦，呢个汤嘅虾味超香浓，相信系用咗唔少虾熬制而成，好好味。配料同样有紫菜、黑木耳丝、流心蛋、葱同叉烧。至于拉面方面，如果对拉面有特别要求，可以提前同店员讲声，食一个你最钟意嘅拉面口感。