博多拉麵別天神 (已結業)

今日约咗几个朋友去旺角食午餐，行行下见到呢间日式拉面店，铺仔细细，好有日本当地拉面小店嘅感觉。呢度仲要系自助点餐模式，有野食飞先入去坐低。入到去先发现墙上有大量比香港人写上嘅愿望: 讲两年后大家希望会发生啲乜嘢事情。仲有啲五大诉求、缺一不可嘅装饰同文宣。相之后有我嘅拉面食评:交飞之前我同厨师讲要走葱，唔使5分钟就有豚骨拉面食！另外我仲自己加咗辣芽菜，芽菜好爽口，不过对我来讲真系辣左少少，唔食得辣嘅话要量力而为啊。日式叉烧味道好甜，肥瘦适中，如果可以多几块就完美喇。拉面煮得啱啱好，唔会过软，我平时最怕食太淋嘅拉面。食完成碗拉面已经好饱，餐厅标榜冇落味精，不过返到屋企都有少少口干。总括而言，拉面质素系几好嘅！