影片
更多
2019-10-19
597 浏览
今日黎到西贡，真系好多人好热闹呀，海边周围都系人。天色好好，蓝天白云，唔怪得咁多人。市中心依度有条食街，有好多特色铺，当中泰国铺都占唔小数。有间长期都好多人既旺泰特色，价钱相宜，店员都系泰国人，所以应该都系唔错。六点几左右，食街果间已经劲多人排队，所以我地就去左麦记隔离果间，驳下有无位。去到铺入面有位，但都系reserved seat，店员于是开左街边位比我地坐，然后之后既人都要等，好彩！问店员去拎多张櫈去放野，都好乐意比，几好态度。佢野食价钱相宜，睇隔离櫈份量都唔错。我地叫左一个串烧(牛、鸡、猪各3)、泰式粉丝、蒜蓉椰菜苗，野饮叫左青柠梳打同椰汁冰。埋单$292。等左十分钟左右，终于有野食。串烧唔错，不过温度系微暖，可能摊冻左。鸡肉几滑，猪串系猪颈肉，不过有啲un，牛肉几浓味，有用泰式辣酱腌过，再另外有沙爹汁送，好惹味。今次第一次食泰式炒粉丝，发觉pad thai种炒法+粉丝仲好味。佢花生同青柠分开左，方便唔食既人，几细心。另外佢炒料除左有芽菜、豆干外，亦有啲虾米同肉蒲，同埋海虾，系好既配搭，而且食落唔过酸，可以encore!蒜蓉炒椰菜苗，热辣辣，好多蒜粒，好重蒜味！饮品方面，椰汁冰
市中心依度有条食街，有好多特色铺，当中泰国铺都占唔小数。有间长期都好多人既旺泰特色，价钱相宜，店员都系泰国人，所以应该都系唔错。
六点几左右，食街果间已经劲多人排队，所以我地就去左麦记隔离果间，驳下有无位。
去到铺入面有位，但都系reserved seat，店员于是开左街边位比我地坐，然后之后既人都要等，好彩！问店员去拎多张櫈去放野，都好乐意比，几好态度。
佢野食价钱相宜，睇隔离櫈份量都唔错。
我地叫左一个串烧(牛、鸡、猪各3)、泰式粉丝、蒜蓉椰菜苗，野饮叫左青柠梳打同椰汁冰。埋单$292。
等左十分钟左右，终于有野食。
串烧唔错，不过温度系微暖，可能摊冻左。鸡肉几滑，猪串系猪颈肉，不过有啲un，牛肉几浓味，有用泰式辣酱腌过，再另外有沙爹汁送，好惹味。
今次第一次食泰式炒粉丝，发觉pad thai种炒法+粉丝仲好味。佢花生同青柠分开左，方便唔食既人，几细心。另外佢炒料除左有芽菜、豆干外，亦有啲虾米同肉蒲，同埋海虾，系好既配搭，而且食落唔过酸，可以encore!
蒜蓉炒椰菜苗，热辣辣，好多蒜粒，好重蒜味！
饮品方面，椰汁冰既椰子味好重，就算啲冰溶左，都好重味。青柠梳打唔会过甜，好好饮！
总结，黎西贡试下依间餐厅都唔错，时值秋高气爽，行完山，坐下大排档食泰菜都唔错！
张贴
