Orange Elephant Thai Restaurant (博文街) (已搬遷) 新店位置

今次同朋友试下呢个泰国餐厅-橙象，首先间餐厅啲坐位几阔络，唔会话痴埋隔离枱坐到密侧侧，所以坐耐少少倾下计都好舒服。佢地仲有啲菜式有特别优惠，$1就食得，我地就点左$1嘅飞天通菜，另外再叫左一个烧牛肋骨同椰青海鲜焗饭。上菜都几快，唔系等左好耐啲𩠌就一个个到齐。通菜系炒嘅，正正常常啦，加左啲辣椒咁，我觉得其实唔算太辣，食到谭仔十小都食到，但我朋友就觉得有啲辣。椰青海鲜焗饭好香椰子味，入口食完口腔内仲充斥住淡淡椰香，好少地方可以试到，同埋海鲜都好足料，赞👍最出色系个烧牛肋骨，估唔到牛仲平过其他菜色，但一碟有成6-8块，份量都几够，而且烧得好惹味，系我成晚最钟意嘅菜色。另外点左个椰青啲水满到爆，好抵饮。同埋都可以赞一赞个厕所，一般香港餐厅嘅厕所都唔期望佢有几好环境，但呢间竟然KEEP得几干净，女仔黎用都唔会太狼狈，带女朋友黎食饭又少样野俾人投诉。