Tamarind

营业中

休息中

新开一个月多啲嘅泰国菜，6点几门外已经很多人排队，可能因为系新开，有book枱会比较好。装修风格都令人有种亲民嘅感觉。埋边仲有啲笃笃车嘅卡位。见到餐牌上面好多泰国特别菜品佢都有，好似火山骨、蟹肉奄列、椰子雪糕等等。今次就叫咗招牌蟹肉炒饭、泰式烧猪颈肉、芒果糯米饭同埋椰子雪糕。首先讲吓个炒饭，好似第一次见炒饭会配埋青柠，见佢有比，咁我都落咗少少，无谂过成件事系咁夹，令到个炒饭升华咗成件事好清新，份量都好足，算系好大碟。猪颈肉同芒果糯米饭就正常好食。仲叫咗杯泰式奶茶，用不锈钢杯装住，个感觉好似喺泰国食紧饭咁。2个女仔叫唔到好多嘢，下次黎一定要试埋个蟹肉奄列。新开幕，有好多客好忙，但店内员工都好nice。