宜昇美食

营业中

休息中

系大元村街市的一间小店，每次经过都好多人，除咗价钱亲民之外，就系因为店内有好多选择，车仔面、肠粉、重庆酸辣粉、碗仔翅等等，种类多得夸张！今次同老公叫咗3样嘢食，$10肠粉有3条，热辣辣的肠粉好滑身唔会太厚皮，好食！黑胡椒蚬肉米线($34)超多蚬肉，而且每粒都有啲肉地唔系迷你种，食极都食唔完咁。黑胡椒亦十分足料，配合埋菜甫、葱花好香口，啖啖入口都又香又少少辣。四宝翅($32)系碗仔翅加入饺子、生菜、猪红同埋两嚿炸鱼腐，大大碗好抵食。碗仔翅浓度适中，但食到尾就会变得比较稀。配料就正正常常，无乜特别亦唔会太差。但以呢个价钱而言，算好抵食。