南豐餐廳

营业中

休息中

讲到香港特色，梗系香港嘅茶餐厅。今日就嚟到九龙湾丽晶嘅一间茶餐厅，佢哋开业已经好多年，一直都屹立不倒，好多街坊捧场。今日去到嘅时间系两点左右，已经有下午茶套餐可以选择。我同朋友一共就叫咗两个餐，另外加咗份多士，已经饱到捧住个肚。烧味捞粗面（烧肉+沙姜鸡） $55烧味饭就好多茶餐厅都有，但系捞粗面就真系唔多地方见到。今次就叫咗佢嘅砂礓鸡同脆皮烧肉，沙姜鸡沙姜味好浓郁，而且份量都唔少。脆皮烧肉个皮好脆，而且仲要完全冇骨，非常赞啊☺️。沙嗲炒猪颈肉出前一丁 $50有时梗系要食吓啲邪恶嘅嘢，今日就选择咗猪颈肉出前一丁，好有镬气，而且份量都好多，完全唔怕下午茶食唔饱。面条炒得好干身，但系又唔会变咗橡筋，睇得出师傅好有经验💙。芝士西多士 $32唔系周围都有得食西多士，佢哋仲要有好多唔同味道选择，今日就拣咗我最钟意嘅芝士，配埋糖浆同牛油油，简直完美🙂‍↕️🙏🏻。