新樂園魚蛋粉

营业中

休息中

是日放工，肚子打鼓兼赶住睇牙朗奥运格剑金牌战🥇，同闺蜜行过间茶记见有电视直播紧，就求鬼其冲入去睇兼填饱个肚( ᵒ̴̶̷̤໐ᵒ̴̶̷̤ )。；鱼蛋鱼片头紫菜米线 $41 鱼蛋同鱼片头弹牙，紫菜好好食，本身个汤比较清淡无咩味，全靠紫菜吊起咗成碗面个味。啲米线由决赛食到颁奖典礼🏆，讲紧成粒钟都仲系咁滑，无索晒啲汤变得超腍，好嘢。；牛杂牛筋紫菜面 $37 牛筋可以再腍啲，有两嚿咬咗劲耐都咬唔开（可能系我啲牙嘅问题）🦷。牛杂几新鲜，份量慷慨，牛肚入味爽口，最正。面无碱水味，弹牙，饱！；鱼皮 +$15 无见过咁大碟鱼皮，嚟嘅时候系连埋胶袋成袋咁上，又脆又大块，夸张。利申，搏晒老命都食唔晒。