發仔記

营业中

休息中

成老公两个人试搭南港岛线，听讲利东大街有唔少好嘢食，所以就嚟行行。呢间小店位于利东站A出口不远处，街市大楼附近。门面就系简简单单，地道大排档feel，但店内同门口一盘盘嘅海鲜望落都算干净，所以决定一试。因为去到8点几都有啲夜，街市都关门喇，店舖嘅炒蚬同好多海鲜都售罄😔 所以就先试试佢地嘅小炒，下次再试海鲜！不过小小一个店呢个时间仍坐无虚席，除了一对对老夫妇，还有两三台的三五成群嘅好友，气氛热闹。虽然忙碌，但店员同老板嘅态度十分好，确实系令我内心加分的！ 食物方面，先嚟个啫啫鸡煲，鸡件轻轻走油，能保持到嫩滑不会太干，惹味！👍🏻清炒菜心落咗旧式必备嘅玻璃献，味道正常，胜在够碟头😛 最后椒盐鲜鱿，样子同平常街食到嘅唔一样，炸浆做法比较似家庭式，略嫌唔够脆身，咬到有啲攰，但味道系好嘅 🤣 虽然我地今次人少试唔到好多嘢，但见到其他枱嘅食物都好吸引，所以值得再嚟试多几款🥰