Ssal Bori Ssal

营业中

休息中

今日难得放半昼，出咗尖沙咀食晏顺便行街。哩间餐厅系老公介绍的，佢间唔时都会嚟帮衬。佢话厨师系韩国人，所以食物都好地道。餐厅比较的骰，枱与枱中间嘅空间比较窄。中间位置大家排排坐，坐得比较迫。内部设计都比较简单，都几有平民韩国餐厅嘅感觉。我叫咗老公推介嘅炖猪肉陪饭加韩国冻咖啡。去韩国餐厅，我最钟意就系食佢啲配菜，多款菜式俾你拣，仲可以无限量添加。今日有杂菜薄饼、芽菜同泡菜。热辣辣的猪肉汤汤底顾名思义系用咗猪肉同猪骨熬制，里面仲有味增、韩国酱油同米酒，最后再加入韭菜同葱。另外亦附上紫苏粉、小虾米同辣酱供客人调味，食惯浓味嘅我，当然将所有调味都放入去啦。一放入口，顿时有种感动嘅感觉，热辣辣嘅汤令人好舒服，汤有好香浓嘅猪骨味，啲调味料亦令成个汤嘅味道升华。一啖热汤，一啖白饭，好味道。老公果然无介绍错！下次想试吓石头饭，好似好惹味咁。不过我只会系午市嚟食，夜晚价钱比较贵。