影片
更多
2023-11-03
1491 浏览
太子呢个老区，除左唐楼之外，最多就系食肆。今日出开太子果头买啲野，买完之后想系附近食碗面做午餐。 行下行下见到呢间十大碗粥面专家 ，叫得自己专家，门面又几靓，装修都好新，紧系要入去会一会佢。 佢主餐牌都有好多野选择，粥、粉、面、饭、肠粉，通通都有。想经济实惠有午餐，晏啲入黎又有下午茶。落order系用QR code，又快又方便。佢仲有渍萝卜任食。 午餐-捞面套餐 ($55) 一个套餐有一碗捞面配云吞或炸鱼片头。今日我就叫左柱侯牛腩捞粗+云吞(三粒)+一罐无糖可乐。 柱侯牛腩捞粗 - 牛腩好有惊喜，唔单止份量唔少，食落仲好淋，连牛筋都入口即溶。面底中规中举。 云吞(三粒) - 云吞大大粒，入面有好大只原只鲜虾。汤底充满大地鱼味。 唯一可惜系配料系选择唔多，多三款。 不过系老区入面食到一间新餐厅，真系别有一番风味。
行下行下见到呢间十大碗粥面专家 ，叫得自己专家，门面又几靓，装修都好新，紧系要入去会一会佢。
佢主餐牌都有好多野选择，粥、粉、面、饭、肠粉，通通都有。想经济实惠有午餐，晏啲入黎又有下午茶。落order系用QR code，又快又方便。佢仲有渍萝卜任食。
午餐-捞面套餐 ($55)
一个套餐有一碗捞面配云吞或炸鱼片头。今日我就叫左柱侯牛腩捞粗+云吞(三粒)+一罐无糖可乐。
柱侯牛腩捞粗 - 牛腩好有惊喜，唔单止份量唔少，食落仲好淋，连牛筋都入口即溶。面底中规中举。
云吞(三粒) - 云吞大大粒，入面有好大只原只鲜虾。汤底充满大地鱼味。
唯一可惜系配料系选择唔多，多三款。 不过系老区入面食到一间新餐厅，真系别有一番风味。
张贴
