麥文記麵家

营业中

休息中

位于佐敦嘅老字号云吞面家。舖头装修简约，入面好有旧式香港餐厅嘅感觉。嚟到云吞面舖，主角就梗系云吞面啦。碗面嘅卖相唔算好突出，不过佢嘅味道同埋用料系货真价实。鲜虾汤底清澈鲜甜，而且唔会又咸又重味精，食完碗面会想饮多几啖汤。幼面爽口弹牙，又唔会太重碱水味，甚至会见到有少少光泽，睇得出面家对面底都讲究。作为主角嘅云吞的而且确系一流，云吞入边嘅虾好大粒，几乎占咗成粒云吞嘅80%，皮薄而且虾肉鲜甜口感弹牙，比其他面家更胜一筹。不过个人略嫌份量有点少，女士食既都够，男士食嘅话有机会需要加底。老字号能够屹立不倒的确系有佢嘅优胜之处，得到食客嘅赞赏都是有原因的。