平記茶餐廳

营业中

休息中

今日郊游嚟到大屿山嘅梅窝，见到有个熟食中心所以入去睇一睇。个环境都几好有好多间茶餐厅，有啲仲可以望住个海景食嘢。去完个厕所见到有间平民茶记，食啲嘢都几地道。所以就入去试试。嗌左个套餐，1+1，一个主食加一个小食，仲包埋野饮，都系$40。主食叫咗个沙嗲牛肉公仔面，小食叫咗个西多士。沙嗲牛公仔面系好普通但系好正宗嘅沙嗲牛面，个汤底唔系话好咸，个牛又唔系好鞋，个面又唔系话好林个啲，总括黎讲好普通但系好好味。另外个西多士都系正嘅，首先佢系热辣辣，同埋佢啲花生酱都好多，啲边边位仲系脆卜卜，总括嚟讲好好味，唯一改善嘅地方就系佢落咗好多糖浆所以有啲甜，如果可以自己落糖浆嘅就会完美。大家不妨去开梅窝不妨都俾个机会佢。