茶咖里

营业中

休息中

今日同屋企人黎试新野，因为我同妈咪钟意食西餐，但爸爸又热爱港式食物，所以选择左呢间fushion餐厅。👍忌廉汤牛肉意粉配火腿蛋多士屋企个细路点左常餐，我偷饮左个汤同意粉，汤香浓、意粉爽口。其他正常。👌滑蛋叉烧饭、滑蛋牛肉饭两者烧汁稍甜，有饭香、蛋滑。👌三文鱼沙律配多士三文鱼一啲都唔少，卖相一流。但可惜沙律菜一啲都唔新鲜、亦唔够爽脆。估唔到奶茶劲香。👍牛油果牛扒菠萝包好食，牛肉juicy配上牛油果香，加上脆甜既菠萝包，好正！加上自己落既芥末同茄加，仲配上薯片，呢个价钱真系好抵食。🤔 是日午餐 - 茄汁牛尾烩饭我系好钟谂食呢个饭，无论边间餐厅，只要有呢个饭，我必点。可惜个汁系茄汁得黎好酸同稀。而且唔系烩饭，而系煎左个牛尾，约个汁淋上去，完全唔系个回事，劲失望😭其实我应该点All Day Breakfast... 因为我唔系食紧佢出名既野。最得意系自己用app点单，减少因沟通出现点错野既情况，好好玩。