影片
更多
2023-06-22
879 浏览
[ Tapa Room ]Tapas係源自西班牙🇪🇸嘅佐酒小食。喺牛頭角站附近嘅呢間西班牙菜酒吧餐廳主打特色冷熱盤Tapas，並且有調酒師即場調製多款酒品。冷盤小食✿ 棒棒鵝肝 $78好少見鵝肝料理係凍食，幾有新鮮感。鵝肝加入香料搓成球體🍡，旁邊加上開心果碎。鵝肝入口即化，味道較濃味，佐酒好配搭。✿ 薄切慢煮八爪魚 $88八爪魚🐙食落都幾新鮮，肉質好淋而且有天然海水味。再配上以蕃茄🍅為主嘅醬料，夠哂清新。熱盤小食✿ 西班牙薯仔蛋餅 $78呢個「西班牙奄列」主要材料係雞蛋🥚及薯仔🥔。切開後有流心蛋汁，同埋填滿薯仔粒。另外加上洋蔥🧅增添甜味同口感，食起來鬆軟香甜。✿ 檸汁白酒煮蜆 $98每隻蜆肉都大大粒好鮮甜，配埋白酒及檸檬汁🍋，好開胃。主食✿ 西班牙慢烤乳豬蕃茄鍋飯 $298平時食中菜嘅乳豬比較肥膩，但西班牙乳豬🇪🇸🐷外皮更加薄脆及煙韌。切開乳豬流出肉汁，肉質細嫩香濃。而飯粒乾爽有顆粒感，索盡蕃茄高湯🍅🥣嘅酸甜味。飲品🍺🍹✿ White Sangria $60/glassSangria係西班牙🇪🇸傳統水果酒🍹，有紅、白兩款選擇。白款係白酒加青蘋果🍏、荔枝及熱情果，味道清新。✿ Pink
Tapas係源自西班牙🇪🇸嘅佐酒小食。喺牛頭角站附近嘅呢間西班牙菜酒吧餐廳主打特色冷熱盤Tapas，並且有調酒師即場調製多款酒品。
冷盤小食
✿ 棒棒鵝肝 $78
好少見鵝肝料理係凍食，幾有新鮮感。鵝肝加入香料搓成球體🍡，旁邊加上開心果碎。鵝肝入口即化，味道較濃味，佐酒好配搭。
✿ 薄切慢煮八爪魚 $88
八爪魚🐙食落都幾新鮮，肉質好淋而且有天然海水味。再配上以蕃茄🍅為主嘅醬料，夠哂清新。
熱盤小食
✿ 西班牙薯仔蛋餅 $78
呢個「西班牙奄列」主要材料係雞蛋🥚及薯仔🥔。切開後有流心蛋汁，同埋填滿薯仔粒。另外加上洋蔥🧅增添甜味同口感，食起來鬆軟香甜。
✿ 檸汁白酒煮蜆 $98
每隻蜆肉都大大粒好鮮甜，配埋白酒及檸檬汁🍋，好開胃。
主食
✿ 西班牙慢烤乳豬蕃茄鍋飯 $298
平時食中菜嘅乳豬比較肥膩，但西班牙乳豬🇪🇸🐷外皮更加薄脆及煙韌。切開乳豬流出肉汁，肉質細嫩香濃。而飯粒乾爽有顆粒感，索盡蕃茄高湯🍅🥣嘅酸甜味。
飲品🍺🍹
✿ White Sangria $60/glass
Sangria係西班牙🇪🇸傳統水果酒🍹，有紅、白兩款選擇。白款係白酒加青蘋果🍏、荔枝及熱情果，味道清新。
✿ Pink Pineapple Cooler $58
餐廳亦有非酒精飲品。呢款mocktail有菠蘿🍍、檸檬🍋，甜中帶酸。
甜品
✿ 炸西班牙油條配朱古力醬 $58
呢款西班牙🇪🇸油條係傳統手指條狀，炸得好脆口，內裡較厚實。玉桂粉配朱古力醬🍫更加甜美。
總結🫦
呢間tapas bar以色彩繽紛🌈嘅霓虹燈作裝飾，食嘢之餘可以打卡。而牛頭角呢間分店係動物友善餐廳🐶🐱，有室外座位俾主人們同寵物chill下。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Tapa Room
地址：牛頭角觀塘道348號宏利廣場地下G02號舖
電話：28667755 / 69606059
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
张贴
