越一越南牛肉粉專門店 (已結業)

今日黎到越一食越南野，离地铁站唔算近，附近好多野食，所以条街唔太干净，同店面光猛整洁形成好大对比！印象分加分！我地叫左个二人餐，有两碗汤河，4只牛油鸡翼，4件春卷，一碟上汤生菜，同两杯野饮。其实都几多份量，都唔洗200蚊，好抵食！先讲个汤河，d配菜好似芽菜呀洋葱呀辣椒呀，就分开上嘅，用个杯仔装住，你唔想食边d就可以唔落，几贴心，汤河汤底都好好饮，有肉味得黎唔肥腻！我叫左香茅猪排汤河，朋友就叫左鸡丝扎肉汤河，两个都唔错。牛油鸡翼好香口，不过如果可以入味d就更好，味道主要系靠面头d香蒜红葱头，如果鸡翼腌嘅时候重手d会再正d。春卷几香口，不过同鸡翼口感差不多，下次可能改叫米卷感觉会多花款d！野饮叫左青柠梳打，唔错，不过要小心，d糖可能沉系底，记得搞云d！