蘇記小食 (已結業)

呢个周末,要去黄大仙𠮶头探个朋友。因为肚饿o既关系,去咗呢间舖头仔食碗面。一如以往,我叫咗好多𩠌,但系碗车仔面个面底都好多。原来每份面底有两个面饼!萝白:好入味,加上萝白本身好萝白味,好好。不过切得大块d,我钟意细粒d。牛腩/牛根:味道好好,我问过舖头d人,佢哋话焖淋d入味d,公公婆婆小朋友都啱食。不过讲真又真系好好味。猪红:好耐冇食过咁好味o既猪红,好好味,有好小好小o既辣味,又好香,到最后我仲加多一份tim!猪肠:呢度o既猪肠有d甘香味,加上d汁入晒猪肠皮到,好回味。如果唔系本人巳经超重,一定会叫多一份。尤鱼须:又一个惊喜。因为好香尤鱼味,又冇d发水o既味。尤鱼系用咖喱汁浸住,而d咖喱汁好香,都有d辣。环境: 细就细咗d, 但系都好干净。食完成碗面(d面食唔哂),成个人好满足。最大o既惊喜系唔口干,仲以为车仔面会劲多味精,呢度真系好OK。最后向大家推介系呢度d港式奶茶,味道水准非常高。跟餐都只系+$6。咁有水准,好抵!