榮安小食

营业中

休息中

荃湾除左有好多食米线嘅食肆之外都有唔少车仔面店，今日黎食一间个环境相对地道啲嘅铺头，一入门口已经系面档，大家一个个企系到排队叫𩠌，即场整埋比你自己拎埋位开餐。不过正正因为咁，食之前最好系门口睇定食咩𩠌，因为到你果阵就冇得慢慢睇住黎叫，如果唔系后面排队条龙就越黎越长，面档伙计都会开始唔耐烦架啦🤣依到食物嘅份量唔算好多，所以建议男仔可以叫两个面底，𩠌方面我比较钟意鸡翼同大肠，可能因为佢个卤水汁都几出色，所以好入味，另外猪红都唔错！价钱黎讲都算几抵食，可以叫多几样𩠌黎试下都得，最后加埋个辣汁就100分😆