津記車仔麵

营业中

休息中

除咗两𩠌饭之外，车仔面系我另一样喜爱嘅港式食物，所有嘢都可以自由配搭，今日黎到大埔见到呢间装潢够晒地道嘅车仔面店，就一于试下。同一般车仔面店唔同，呢度系几𩠌面就几多钱，唔会每样𩠌定价，咁就唔会唔舍得拣d靓𩠌啦。最后拣咗四𩠌面，要麻辣猪肠+柱侯牛腩+炸鱼肉春卷+萝卜，再加五蚊转伊面底。每枱都有葱同自家制辣菜脯，按自己喜好任加，钟意食辣嘅我当然要加辣菜脯啦。唔好以为拣多咗𩠌份量就会减少，四𩠌面每样𩠌依然份量十足，当中最喜爱麻辣猪肠，卤水猪肠就食得多，麻辣真系第一次试，麻辣汁好惹味，仲越食越辣添；牛腩够肥美，炆得好淋好入味；鱼肉春卷炸得香口，食落仲好脆；萝卜煮得够淋，食落鲜甜无渣，吸埋汤更加好味。面餐包纸包饮品，亦可以加钱转冷/热饮，都算抵食。