Cup Bop Korean Restaurant

营业中

休息中

午饭时间，无意间发现咗呢间韩国小店，店面其实不吸引，但听到老板用纯正韩文讲电话，即时决定试佢一试。入到去，坐位比较迫，可选食物亦唔算好多，是是但但叫咗个泡菜汤黎食。等餐期间，服务员攞咗一樽有韩文字样嘅冻水俾我地，电视又一直播住韩国嘅节目，即时觉得好似身处韩国家庭式小店一样。泡菜锅岀现啦！！店员细心提我地个锅仲好热，小心辣亲。泡菜汤非常浓郁，唔会好似之前食𠮶啲好水嘅感觉，而且有好多泡菜喺个汤入面。汤入面除咗泡菜，仲有豆腐和猪肉。豆腐有2块，猪肉2-3片，猪肉的份量偏少，如果有多点猪肉会更好。食完真的超级饱，见餐牌上有水冷面但写住季节限定，问店员得知水冷面要5月先开始有，即时决定5月要再过黎试水冷面。