影片
更多
2024-03-12
2670 浏览
每次想食韩国菜就第一时间会谂起尖沙咀，因为当区韩国食肆林立，而且好多都系韩国人亲自打理，可以揾到好多地道嘅韩国好西。今次约埋朋友一齐去尖沙咀嘅一间韩国餐厅食饭，个到有各式各样嘅韩国料理以及烧肉。烧肉嘅种类十分之多，例如济州产黑毛猪同埋韩式烤鳗鱼等。餐厅清一色韩国及东南亚员工，打电话book枱时系位韩国人听电话，但佢会用广东话沟通，态度友善。如果order左烧肉，店员更会亲自帮手烧。整体嘅服务都还可以。唯一失望嘅系最尾拎朋友存放左嘅生日蛋糕出来嘅时候，因为系生日饭嘅源故，所以我地有准备到蛋糕，餐厅帮我地keep起并表示会收返切饼费。但系店员只系将原盒蛋糕就咁放低系枱，无帮我地打开，无帮手插蜡烛等，呢点有啲失望。~~~~~~~~~~食物介绍~~~~~~~~~~🤩小菜(FREE)坐低左之后，店员先先送上7碟小菜（泡菜，凉拌芽菜，凉拌海带，凉拌菠菜，凉拌薯仔，韩国鱼片&水果沙律）。全部都好好食🤤泡菜比出面买到嘅偏辣少少，应该都系餐厅自己腌制。🤩海鲜煎饼(HKD 138)因为同行朋友之前都来过食，佢地极力推荐呢到嘅海鲜煎饼，所以我地都order左一份。食落馅料丰富🦑🦐一啲都唔孤寒，煎饼嘅面糊调制
餐厅清一色韩国及东南亚员工，打电话book枱时系位韩国人听电话，但佢会用广东话沟通，态度友善。如果order左烧肉，店员更会亲自帮手烧。整体嘅服务都还可以。
唯一失望嘅系最尾拎朋友存放左嘅生日蛋糕出来嘅时候，因为系生日饭嘅源故，所以我地有准备到蛋糕，餐厅帮我地keep起并表示会收返切饼费。但系店员只系将原盒蛋糕就咁放低系枱，无帮我地打开，无帮手插蜡烛等，呢点有啲失望。
~~~~~~~~~~食物介绍~~~~~~~~~~
🤩小菜(FREE)
坐低左之后，店员先先送上7碟小菜（泡菜，凉拌芽菜，凉拌海带，凉拌菠菜，凉拌薯仔，韩国鱼片&水果沙律）。全部都好好食🤤泡菜比出面买到嘅偏辣少少，应该都系餐厅自己腌制。
🤩海鲜煎饼(HKD 138)
因为同行朋友之前都来过食，佢地极力推荐呢到嘅海鲜煎饼，所以我地都order左一份。食落馅料丰富🦑🦐一啲都唔孤寒，煎饼嘅面糊调制得啱啱好，火侯亦控制得好好，食落唔会太干又唔会一『pat』野咁。
🤩二人烤肉set (特大王排骨+牛舌+五花肉)(HKD 648)
来到又点可以唔叫啲烧肉食下，因为想留肚试其他嘢，所以我地叫左个2人烤肉share。佢分别有 1.🐂特大王排骨 2.🐂牛舌 3.🐖五花肉，另外仲送上一篮菜俾你包肉食🥗 想特别介绍下个特大王排骨，因为觉得佢系三款内面较特别同埋出色。佢其实系腌制嘅牛肋肉，同碟会附上菇，洋葱及年糕，上台时会用牛肉卷住块年糕，非常特别嘅配搭。店员会帮手烧埋，食客可以放心等食。牛肉肉味浓郁，虽然腌制过，调味恰好并无抢走佢嘅肉味，店员控制熟嘅程度恰好。年糕烧到外脆内软，搭配住牛肉一齐食几得意又好食🤤下次来会再encore。牛舌有啲失望😢因为食落觉得店员烧得有点overcooked。五花肉正正常常，无咩太大特别。
🤩马铃薯排骨汤 (HKD 428)
我哋想试下当地人常饮『醒酒汤』，所以就叫左一锅马铃薯排骨汤🐽份量相当大，除咗主角马铃薯同排骨之外，仲有金菇、娃娃菜、白菜等蔬菜，而且排骨嘅数量都唔少，我哋四个人都好勉强先食得晒。排骨煮之前已经预先处理过，炖得好淋同好入味。汤底偏辣但唔会过咸，蔬菜吸收咗汤汁，非常惹味。
温馨提示，如果你完全唔食得辣，我哋唔太建议你点呢道菜。我哋落单之前问过韩国服务员呢锅汤辣唔辣，佢话『not really spicy 』，但我哋觉得韩国人同我哋对辣嘅定义可能唔同🤣食落去我哋觉得有啲辣🥵再加上个锅一直保持滚烫，汤会越煮越辣。如果你食量细或者唔食辣，落单之前要谂清楚。
～
💵性价比ok
🤤食物唔错，全部都系地道嘅韩国料理，选择多
😞服务有点可惜，希望可以改善
🍻适合朋友聚餐
张贴
