海陸空

营业中

休息中

今日同朋友去左韩印红旗下嘅海陆空JJANG餐厅，餐厅内部感觉都几似韩国，反而无谂到入面大部份员工都系韩国人，搞到我地都好期待啲野食会唔会系正宗韩国菜。食物方面，经理好热情咁提醒我地，叫野食最好就叫一 两样先，唔够食先再食，因为佢地既份量相对大份，所以我地叫左两款菜式先再作决定。环观餐厅环境既时候，发现到老板娘好有热诚，亲自帮客人烧肉，而且仲会亲自送上枱帮大家介绍野食，相当亲切。半半药膳菜包肉/药膳猪脚，配辣拌荞麦冷面相当大碟！！配菜相对地多，而且中间既泡菜萝卜味道同韩国正宗泡菜近乎一模一样。猪脚既药膳味唔算太重，亦都保留到猪肉既原味，唔需要担心药膳味太重 ，白切肉系个种半肥瘦 比例很好，肉质带点爽。用菜包住，再加上泡菜萝卜，简直系绝配！当大家食到咁上下既时候，食返啖辣拌荞麦冷面，基本上可以重新作战过，完全系解哂个种肥腻感或者饱肚感。海鲜葱煎饼极大份既海鲜煎饼，葱既数量相当多，而且咬落去既时候唔止有葱香既味道，配合埋海觧既爽口弹牙既感觉，令到整体口感得到升华。饼底唔算话好油，师傅煎到好香脆，蘸埋酱汁黎食，更是香口惹味。而且好钟意佢哋呢度嘅小菜，特别系泡菜！而且可以无限refill!