韓家韓國料理 (已結業)

韩家铺头唔大，但位置方便，野食种类都几多。平时食中午就食得多，呢日就嚟试吓佢嘅晚餐。当晚好好彩，虽然无book但去到就有位。喺门口就睇到佢哋为香港人打气嘅说话💛店入面仲有大量韩星嘅相同mv😂。-食物种类唔少，Menu只影咗小部份。两个人都叫左好多野食，而且好好彩当晚上菜好快⋯⋯--💛炸鸡大推！每件都好Juicy，咬开真系有肉汁，而且系滑嘅一啲都唔嚡。牛油蜜糖酱都好高质，见到佢好稀点知原来味好浓。-💛豆腐汤饭本身有配饭，但惊太多嘢食唔晒所以走左饭。汤入面超多鸡，但无炸鸡咁滑。个汤就偏咸唔太辣。-💛拌饭嘅白饭份量极多，一样唔系太辣，配菜种类多。-💛泡菜煎饼比较逊色，因为太软身似无煎过嘅感觉。另外味道太淡，如果唔点酱汁接近无味。-💛两杯饮品，份量多味道亦算不错。-由于韩家铺头细细位亦唔多，真系要撞手神睇吓多唔多人排队同等外卖，否则真系有排等⋯⋯另外铺头漏单同错单嘅情况当晚都有出现，可能人手太少都系一个原因，但整体黎讲食物质素同味道都好唔错。