影片
更多
2023-08-27
169 浏览
早几日嚟将军澳饮茶，食完晏过咗去 The Parkside Mall 行下，发现原来 1 楼开咗个新 food court 木马工房美食广场，里面有唔少食肆进驻。今日喺附近跑完步，专登上嚟买外卖。拣咗呢间由韩国人主理嘅「韩虎家」，店舖主打韩国料理，有拌饭、炸鸡、辣炒年糕等供应，啱晒买回家一边食、一边煲剧！点咗 2 个套餐，另外再加咗盒牛肉饭卷同 4 件炸鸡。鸡肉拌饭 ($58) 拌饭大大碗，内有翠玉瓜、红萝卜丝、香菇、芽菜、煎蛋和鸡肉等，用料非常丰富。鸡肉软腍嫩滑，捞埋包韩式拌酱同啲配料一齐食，充满住家风味。韩式炒粉丝拼牛肉 ($62) 粉丝炒得啱啱好，浓味得嚟又唔会太咸，入口烟韧不油。牛肉分量十足，配料有红萝卜丝、菠菜、椰菜同冬菇丝，食完好饱肚。牛肉饭卷 ($48) 饭卷包得够扎实，内有烤牛肉、腌黄萝卜、青瓜、红萝卜和蛋丝等。牛肉调味刚好，腌萝卜爽嫩得嚟又有咬口，饭粒带阵阵麻油香，美味。原味炸鸡 ($42) 盒炸鸡虽然拎到返屋企先至食，但外皮依然香脆，内里鸡肉仲 keep 到嫩滑口感，咬落劲 juicy，就算食原味都唔会觉得好 dry。下次经过会再嚟试下其他韩式美食。
早几日嚟将军澳饮茶，食完晏过咗去 The Parkside Mall 行下，发现原来 1 楼开咗个新 food court 木马工房美食广场，里面有唔少食肆进驻。
今日喺附近跑完步，专登上嚟买外卖。拣咗呢间由韩国人主理嘅「韩虎家」，店舖主打韩国料理，有拌饭、炸鸡、辣炒年糕等供应，啱晒买回家一边食、一边煲剧！
点咗 2 个套餐，另外再加咗盒牛肉饭卷同 4 件炸鸡。
鸡肉拌饭 ($58) 拌饭大大碗，内有翠玉瓜、红萝卜丝、香菇、芽菜、煎蛋和鸡肉等，用料非常丰富。鸡肉软腍嫩滑，捞埋包韩式拌酱同啲配料一齐食，充满住家风味。
韩式炒粉丝拼牛肉 ($62) 粉丝炒得啱啱好，浓味得嚟又唔会太咸，入口烟韧不油。牛肉分量十足，配料有红萝卜丝、菠菜、椰菜同冬菇丝，食完好饱肚。
牛肉饭卷 ($48) 饭卷包得够扎实，内有烤牛肉、腌黄萝卜、青瓜、红萝卜和蛋丝等。牛肉调味刚好，腌萝卜爽嫩得嚟又有咬口，饭粒带阵阵麻油香，美味。
原味炸鸡 ($42) 盒炸鸡虽然拎到返屋企先至食，但外皮依然香脆，内里鸡肉仲 keep 到嫩滑口感，咬落劲 juicy，就算食原味都唔会觉得好 dry。
下次经过会再嚟试下其他韩式美食。
张贴
