韓虎家 (得寶商場)

营业中

休息中

第一次黎得宝商场，又估唔到细细个商场竟然有咁多野食。有韩食、越南、日本、泰国野等等。我地就比呢间韩野野食吸引到，因为佢门口个餐具系劲多野食，炸鸡嘅味道都好多选择，所以就即刻买黎试下。我哋叫咗一个泡菜猪肉汤配白饭，我觉得佢个泡菜汤底好浓味，好香辣嘅泡菜味，入边仲有好多配料，例如有泡菜，洋葱豆腐京葱等等，当然唔少得猪肉啦，咁多配料嘅汤配埋个白饭真系好味嘅。另外仲叫咗个韩式芝士饭，我哋就好似拌饭咁样食，捞埋晒啲配料同芝士系超好味啰，另外仲有叫咗个年糕拌面配紫菜卷，韩式嘅拌面真系好好味配埋芝士嘅烟靭，仲有超浓郁嘅汤底真系正嘅，个紫菜卷系好香入面系粉丝嚟都系好味，另外我哋仲嗌咗一盒原味炸鸡，佢应该系即叫即炸，因为仲系热辣辣好香脆。