台灣郎 (已結業)

好多时放工经过台湾郎，六点几已经好多人食，所以衬家庭小聚会就订枱试下。餐厅虽然唔系好大，但唔觉得好逼。装潢好有台湾风味，几地道。咸酥鸡。鸡肉嫩滑腌得几入味，炸粉薄薄地啱啱好。鲁肉饭正正常常，阿妈略嫌唔够汁送饭㖞山葵烧汁野杂菌。味道唔错，个汁香香甜甜送饭一流，而且份量唔少。台湾牛肉面，赞！牛肉白萝卜好入味，够腍又唔「鞋」。面条好爽身，份量唔输蚀。蚵仔煎系我嘅推介！享台湾食通常粉䊢比较多蚵仔相对地少，但呢度就唔同。薄薄一层蛋桨，加左好多蚵仔，三爬两拨就KO了。仲有叫左杯几好味嘅胚芽奶茶但唔记得影相。