聯合興食館

营业中

休息中

联合兴喺乐富已经开左好多年，本身喺图书馆旁边，领汇将成个乐富改头换面后先搬嚟而家嘅位置，分分钟多左人流。虽然搬左新店，但地道风味依旧，都系非常「香港」。必食一定系卤水鹅。肥瘦适中，而且卤汁好香。有时出街食卤水鹅会有阵臭鹅味，但so far联合兴嘅鹅未令我失望过，绝对系镇店之宝！另外推介系鸡油豆苗。豆苗就一定要落多油先炒到架喇，但呢到炒出嚟唔会食到成口油，而且鸡油味香，好独特，有别于一般蒜头炒。仲有乌头，价钱唔系特别平，但够肥兼有黄油！亦试过柠檬乌头，相比之下冻乌头出色D。而家仲有煲仔饭添啊！小店嘅好处就系，你同老板讲声，就可以将孖肠变净润肠。