馬六

营业中

休息中

星期六同朋友去荃湾行街，虽然荃湾有好多小店，但因为想坐得舒服啲又唔使咁迫，就入咗商场拣餐厅。咁啱见到马六做紧下午茶餐，一见到个斑兰咖吔多士个图，就决定要食呢间😂斑兰咖吔多士：斑兰味既烘底多士，中间夹住好厚一层既咖吔酱同一块厚牛油，可以话落足料，唯一美中不足系牛油太硬，如果系半溶状态嘅话会更加好味。巴生肉骨茶汤米粉：肉骨茶带有药材味又有微微回甘，排骨肉质腴嫩，不过唔知系咪煮完米粉再倒落汤度沟稀左，令到个汤底好似冇咁浓。马来烧鸡配油饭： 烧鸡个皮好脆，肉质厚实，本身个餐系配油饭，都可以拣返配白饭。桔仔话梅水：每杯都有一粒桔仔同一粒话梅，酸酸甜甜，清爽又解腻。食紧个阵见到隔离两枱都有叫海南鸡饭餐，见到啲鸡都好靓，下次有机会一定要试吓。