酒肉·朋友 (已結業)

放工同同事去食饭，呢间日式居酒屋喺地铁站隔离，够方便。餐厅一眼望晒，几迷你。墙边贴满好多怀旧卡通海报，勾起大家唔少童年回忆呢！另外仲有一间房，人多都坐得晒。居酒屋点少得酒，点菜纸选择都唔少，我地叫了好几样都几好食。串烧安格斯$45份量虽然不算多，但肉质弹牙，味道够，正！秋葵$15秋葵烧得岩岩好，不会太干。厚切牛舌$52牛舌烧得啱啱好，好厚身，腌得几入味，入口好爽脆。烧冬菇就干左D，如果湿润D更好食！鲜肶菇不过不失。盐烧猪颈肉$24呢款猪颈肉比较厚身，肉质比较韧，同我地平时食一片片既唔同，但别有一番风味。鸭舌$25吮鸭舌都几过瘾，d肉不算多，但几入味。手作明太子鸡翼$38有D失望，出面好脆，但入面好干，有d失手。盐烧白鳝$58白鳝肉粒比较瘦小，食落唔够喉。鲜淮山$18烧蔬菜又健康又好食，烤鲜淮山爽脆无比，好似食紧青苹果。▪️感觉好似真系系日本居酒屋咁，因为细细间几温馨，如果多D客人就更加有气氛啦。