影片
更多
2010-12-10
76 浏览
8-12-2010收工想去大坑的新甜品店食 creme caramel, 但点都要先食正餐吧, 2 人去了天后, 求其入了呢间港式日本餐厅试试. 散叫了锅物及乌冬各一独食; 朋友就叫了「北海道四色丼」的「晚市一人前」($180), 跟前菜, 沙律, 鱼味噌汤, 茶碗蒸及甜品.先讲讲朋友的定食:-前菜: waitress 姐姐话叫「关西煮」(原来有「关西」(cf.「关东」) 0架? ), 而呢小碟おでん就有魔芋, 大根, 竹轮, 豆卜及鸡肉丸 (?), 试了魔芋觉得质地似「啫喱」多 d, 汤汁的甜味及酱油味就比平日会食的「关东」版淡, 作为前菜清清哋都 ok 的.沙律有青瓜, 车厘茄及大量海藻, 有 mustard seeds 的醋汁好多亦好酸 , 而因为朋友唔食海藻, 我就捞起所有海藻,「晾」走醋汁后自行配酱油同吃, 几满足, 哈哈. 茶碗蒸: 只试了少少少少蒸蛋, 做得几滑, 不过面头的柚子我觉得唔夹; 朋友就话「ok 啦」,「鸡肉 ok 㖞」, 不过「粒白果有 d 苦」... 北海道四色丼有海胆, 三文鱼籽, 甜虾及剑鱼腩, 我好唔客气地每样都试了少少 海胆望落几多凹凸「
8-12-2010
收工想去大坑的新甜品店食 creme caramel, 但点都要先食正餐吧, 2 人去了天后, 求其入了呢间港式日本餐厅试试. 散叫了锅物及乌冬各一独食; 朋友就叫了「北海道四色丼」的「晚市一人前」($180), 跟前菜, 沙律, 鱼味噌汤, 茶碗蒸及甜品.
先讲讲朋友的定食:-
前菜: waitress 姐姐话叫「关西煮」(原来有「关西」(cf.「关东」) 0架? ), 而呢小碟おでん就有魔芋, 大根, 竹轮, 豆卜及鸡肉丸 (?), 试了魔芋觉得质地似「啫喱」多 d, 汤汁的甜味及酱油味就比平日会食的「关东」版淡, 作为前菜清清哋都 ok 的.
沙律有青瓜, 车厘茄及大量海藻, 有 mustard seeds 的醋汁好多亦好酸 , 而因为朋友唔食海藻, 我就捞起所有海藻,「晾」走醋汁后自行配酱油同吃, 几满足, 哈哈.
茶碗蒸: 只试了少少少少蒸蛋, 做得几滑, 不过面头的柚子我觉得唔夹; 朋友就话「ok 啦」,「鸡肉 ok 㖞」, 不过「粒白果有 d 苦」...
北海道四色丼有海胆, 三文鱼籽, 甜虾及剑鱼腩, 我好唔客气地每样都试了少少 海胆望落几多凹凸「坑纹」, 食落则甘甘地而唔觉甜, 比以前某间三色丼店 (http://www.openrice.com/restaurant/commentdetail.htm?commentid=2013319) 的 lunch 货色更逊一筹; 甜虾一般爽, 味亦淡, 对面间居酒屋 (http://www.openrice.com/restaurant/commentdetail.htm?commentid=2058146) 的好食好多㖞; 三文鱼籽腌得好甜, 酒味则比预期少好多, 唔算喜欢; 剑鱼腩则几香, 质地爽弹, 系较好的一款. 饭底混了酸姜及紫菜, 芝麻 etc, 不过无试了.
鱼味噌汤内有豆卜, 红萝卜, 大根, 三文鱼, 鲷鱼 (?), 昆布, 灵芝菇 (?) etc, 虽然真材实料, 但配料系太多, 味道及质地都浓得有点顶唔顺 不过清清哋又腍身的红萝卜及大根配上浓稠汤汁同吃, 系几好食的.
甜品叫「红豆绿茶小丸子」, 红豆甜汤劲多渣, 食落好甜, 仲有轻轻陈皮味及粒粒莲子, 完全系中式「红豆沙」「绿茶小丸子」皮薄而带点烟韧, 馅料就疑似系莲子, 粉粉的亦几松化, 虽然感觉有少少怪, 不过都算几好食.
海鲜锅: 有蚝, 青口, 三文鱼, 鲷鱼, 帆立贝, 冬菇, 绍菜, 豆腐, 蒟蒻面 etc, 几款海鲜中最喜欢蚝, 虽然唔算十分新鲜, 但食落软滑清甜, 都几好食; 蔬菜类就最喜欢豆腐, 豆味清香, 质地又滑到呢 汤底就系 standard 的酱油 + 味醂 + 糖 etc 汤, 咸甜度刚好, 又有蔬菜的清香, 加上够晒热辣, 是日又天寒地冻, 其实几难唔讨好的.
净乌冬: 点都要食 d 淀粉质吧, 叫热汤乌冬主要用嚟配海鲜锅同吃, 还掂 waitress 话呢个汤底同海鲜锅的一样 乌冬质地唔算好烟韧, 但起码无煮到腍 bad bad 吧, 而且呢样叫嚟纯为填肚, 收货的. 不过呢碗散叫的净乌冬份量都几大, 尽晒力只系食到 2/3, 大家 order 的话要留意.
盐烧牛舌 (一客 6 件): 烧得香, 亦厚切, 不过又好似太厚切 , 虽然中间𠮶两块爽口咸香, 但其他食落系好韧, 有少少败兴.
食物 ok, 环境亦企理, 不过最好绝对系 service, waitress 系极有礼貌, 配套不错.
埋单每人 $220, 价钱同炮台山𠮶间 (http://www.openrice.com/restaurant/commentdetail.htm?commentid=2129937) 差不多, 虽然我觉得人哋好食 d, 不过对呢度的印象都唔差, 可以一试的.
张贴
