影片
更多
2017-12-29
590 浏览
呢间"葡点"一定要介绍返，午餐无论价钱，卖相及味道， 都系属于高性价比（个人愚见）今早取得“行街纸”, 同朋友 morning car drive，巡例都要对返身边人好些既。午餐图中呢个 "咖哩猪扒意粉"，只系收$45，同部份茶餐厅差不多价，甚至仲平过部份茶记，但卖相一流，而且仲内藏三块猪扒，好够食。（你地睇下张餐牌，干牛河都系$39连饮品，午餐㖞!!!）而我就食左另一幅图，“皇牌特餐” 葡式乳猪并葱油饭，卖相又系唔错（以呢个价钱计），仲有一堆沙律菜，食呢个皇牌特餐最大的心灵满足系，加$4就可以转特饮，我就选左+$4 转龙凤柠乐，可乐系原罐上的。呢度另一个好处系，星期六中午繁忙时间唔太需要等位的，够胆的仲可以泊架车系对面望住来食，减少食食下赠送牛肉干的机会。食完仲可以轻松行埋附近百佳及759，买埋家居生活用品先上返车又得。住得元朗，都想生活步伐可以放轻松点，如果星期六日放假都要排大队食野，又或者搅一轮都泊唔到车，甚至系教育路大马路，绿灯都郁唔到车，会很躁底的。 系，从佢既装修, 设备, 员工, 我强烈估佢系美心集团附属的，转个样执靓 D 就卖贵少少既，但对于贫穷的我，咁既价钱有得俾我扮
今早取得“行街纸”, 同朋友 morning car drive，巡例都要对返身边人好些既。
午餐图中呢个 "咖哩猪扒意粉"，只系收$45，同部份茶餐厅差不多价，甚至仲平过部份茶记，
但卖相一流，而且仲内藏三块猪扒，好够食。（你地睇下张餐牌，干牛河都系$39连饮品，午餐㖞!!!）
而我就食左另一幅图，“皇牌特餐” 葡式乳猪并葱油饭，卖相又系唔错（以呢个价钱计），仲有一堆沙律菜，
食呢个皇牌特餐最大的心灵满足系，加$4就可以转特饮，我就选左+$4 转龙凤柠乐，可乐系原罐上的。
呢度另一个好处系，星期六中午繁忙时间唔太需要等位的，够胆的仲可以泊架车系对面望住来食，减少食食下赠送牛肉干的机会。食完仲可以轻松行埋附近百佳及759，买埋家居生活用品先上返车又得。
住得元朗，都想生活步伐可以放轻松点，如果星期六日放假都要排大队食野，又或者搅一轮都泊唔到车，甚至系教育路大马路，绿灯都郁唔到车，会很躁底的。
系，从佢既装修, 设备, 员工, 我强烈估佢系美心集团附属的，转个样执靓 D 就卖贵少少既，
但对于贫穷的我，咁既价钱有得俾我扮下高档，很满足了。
张贴
