意粉狂熱 (雅蘭中心)

营业中

休息中

约左朋友到旺角GATHERING，经朋友介绍，黎到旺角雅兰中心既意粉狂热，可能我地入座时间比较早，不用等位，直接入内，我地坐下不久，已经见陆续有客人，好快就坐满。我地３人，先点了个２人套餐，再后加几个单点。个意粉饰披萨狂热套餐都好丰富，有２个汤，我地选了法式芝士洋葱汤同香浓南瓜忌廉汤，洋葱汤几特别，用洋葱打碎黎熬，食到洋葱蓉。南瓜汤好CREAMY，好滑。小食选香华鸡肉凯撒沙津同蒜味芝士鸡亦，食沙津最紧要材料新鲜，呢度做到了，汁都调得好好味，我就略嫌少了点。鸡亦肉质好嫩滑，满满肉汁，表皮微㶶，好香口。主食选了软壳蟹配海胆忌廉汁鲜制意粉同明太子忌廉芝士海老披萨，个意粉一放上台，个卖相非常好，意粉软硬适中，个汁好好味，挂在每条意粉上，不多不少，软壳蟹个炸粉不厚，不会一啖咬落去全是粉浆。披萨个饼底好软熟，配搭虽然简单，但切开每件啖啖都食到虾同芝士。个餐仲有甜品加２杯饮品，我觉得够我地３个女人仔食，最后再加１个主食及饮品，饱到仲剩半个意粉。