影片
更多
2022-10-20
1434 浏览
依间韩国餐厅都系有一次无意中发现，因为佢嘅地点真系有啲隐蔽，唔喺平时最多餐厅坐落嘅𠮶几条街，而且附近都比较多车房，连经过嘅路人都唔多。系一间名符其实嘅家庭式小店，店里面空间细，见人多嘅时候会喺餐厅门口开埋折台坐出面。成间铺都非常韩式，老板系韩国人，一入到去已经听到佢地讲韩文，电视播住韩文节目，比人一种地道嘅感觉。而餐牌上面所卖嘅野都系好典型嘅韩式美食，中午同夜晚餐点会有少少唔同，不过都系得单点，见学生餐先会有包埋饮品。而最令我期待嘅系见到依度都有得食韩式炸鸡，我超中意食甜辣炸鸡，见到张图已经觉得吸引加上见价钱又唔贵，就即刻叫左半份。另外叫左个紫菜包饭同埋粉丝炒年糕。紫菜包饭估计应该本身已经整好哂，落完order之后好快就送到，另外一齐送到嘅仲有前菜，有三款(泡菜、豆腐、黄瓜)。紫菜包饭方面有三款味道可以拣，今次试左原味，不过估唔到$30依个价钱竟然都会有10块，见到嘅时候即刻觉得好抵食! 味道亦系好唔错，几足料同埋麻油味几香。粉丝炒年糕嘅分量亦唔少，里面仲夹杂左啲鱼糕，而且年糕颇为烟韧，口感十足，不过我觉得都几辣，对于唔太食得辣嘅人嚟讲要疯狂饮水，但味道嚟讲系正常发挥。今餐最令我期待嘅
而最令我期待嘅系见到依度都有得食韩式炸鸡，我超中意食甜辣炸鸡，见到张图已经觉得吸引加上见价钱又唔贵，就即刻叫左半份。另外叫左个紫菜包饭同埋粉丝炒年糕。
紫菜包饭估计应该本身已经整好哂，落完order之后好快就送到，另外一齐送到嘅仲有前菜，有三款(泡菜、豆腐、黄瓜)。
紫菜包饭方面有三款味道可以拣，今次试左原味，不过估唔到$30依个价钱竟然都会有10块，见到嘅时候即刻觉得好抵食! 味道亦系好唔错，几足料同埋麻油味几香。
粉丝炒年糕嘅分量亦唔少，里面仲夹杂左啲鱼糕，而且年糕颇为烟韧，口感十足，不过我觉得都几辣，对于唔太食得辣嘅人嚟讲要疯狂饮水，但味道嚟讲系正常发挥。
今餐最令我期待嘅就系炸鸡，可能因为即叫即整，所以都等得比较耐，其他𩠌全部食完之后依碟炸鸡先嚟到。不过一嚟到见到佢嘅卖相已经觉得不得了，就算要等咁耐都系好值得！ 炸鸡有6件，但估唔到分量比想像中大件，每粒炸鸡都淋满左甜辣酱，食落非常香脆可口，而且鸡肉好嫩，肉汁完美地锁住，非常juicy。
食食下嘅时候老板仲走过嚟教我地可以将炸鸡沾住炒年糕嘅酱汁一齐食，会更加惹味。不过我觉得佢本身炸鸡嘅酱已经非常充足，就咁食已经好正。不得不提依个炸鸡真系会令人食上瘾，虽然邪恶但一路食会令人觉得非常满足。性价比超高，以依个价钱嚟讲超级抵，下次一定会再叫炸鸡食！
张贴
