二鍋頭 (福苑)

营业中

休息中

一向都好中意食鸡煲，试过自制但失败得好惨烈。咁啱见到旺角呢间地点劲方便，一于嚟试吓。试完系有惊喜鸡肉嫩又入味，我哋选小辣，辣味好啱，好快就俾我哋清左一煲，正！呢间仲有鸭煲食，一于要试！职员即场点火帮手炒，香味扑鼻。有好香嘅香叶味。 鸭唔会好肥（因为食过有啲鸭肥到食唔到肉，所以好惊太肥）食完鸡鸭煲，再打边炉！ 佢地有好特别嘅泰皇冬荫功锅。打边炉嘅菜、丸、饺、鱼皮等都是自助，食材摆放系雪柜入面，企理又干净！估唔到冬阴公打边炉又几正，酸酸辣辣咁，好开胃。生猛海虾、活海蚬都好鲜美，蚬无沙。美国肥牛同美国豚肉都好靓唔肥。牛柏叶同鲜吊桶仔好爽脆。食材同个汤底意想不到夹。餐厅仲有好清晰嘅大电视，一边食一边睇电影，正！打完边炉再嚟杯雪糕，完美！埋单仲有酒精搓手液送，好sweet原来佢地尖沙咀都开咗分店，有任食美国黑和牛套餐，下次要去试吓。