興盛小館

营业中

休息中

依间餐厅地点都算方便，一出地铁站就见到。佢嘅餐厅装修比较旧式，职员人数都唔系咁足够，卖点就系上菜快，中式饭面选择较多。今次叫咗外卖，价钱唔算平，我平时食开中式牛柳，今次就试试新野。先讲鲜茄牛肉意粉，牛肉份量都算多，但系就冇咩蕃茄味，酸酸甜甜口味有啲似中式牛柳既汁。芙蓉蛋饭出乎意料地水准唔错㖞，芙蓉蛋嘅配料足够，又唔会煮得太过火，配上豉油捞饭简直一流。兴盛嘅烧味一直都做得较为出色，豆腐火腩饭都唔例外，烧肉份量足够，香口惹味送饭一流。佢嘅咖喱排骨饭卖相鲜艳，但系咖喱椰汁味好重，排骨份量够哂多，但系整体而言似葡汁鸡饭的葡汁多过似咖喱汁。