影片
更多
2008-07-08
26 浏览
因呢期要过海学舞狮, 所以有机会同姚东师傅食吓lunch, 昨日去了著名的鹅颈街市试场.由于该处群雄割据, 所以师傅先带小第兜番个圈. 最后去了呢间师傅见常有人龙的店. 由于我俩都未试过, 所以颇为期待, 睇吓佢有乜把砲掳得一班食客既心!虽然话系车仔面店, 但佢哋都有供应第二d嘢食, 如猪扒包, 各类多士等, 非常好!就等小弟试试佢既奶酱多加冻鸳鸯啦!多士汉得有微㶶, 不士hae汉, 奶酱份量亦多, 水准几高!杯冻鸳鸯, 出乎意料咁好饮, 茶有茶味, 咖啡亦香, 惊喜!! 唔怪得知佢哋个招牌上面都推佢哋既奶茶同咖啡啦, 原来真系有d料到!最离谱系2样嘢加埋只卖13蚊, 超抵! 想点?! 另外师傅叫了个4𩠌车仔面, 小弟亦试咗d,猪红, 不太易散, 但略欠弹性, 属合格.猪皮, 小弟食𠮶旧都算爽口弹牙, 但师傅有d却好淋, 旧旧质素不一, 亦属合格,猪肠, 几有‘赵’头, 几好的!牛肚, 正常水准.汤底, 师傅话淡咗少少, 但见师傅不停加佢d辣椒酱, 好似几得咁啵, 相信加番唔少分!4𩠌车仔面加埋杯冻柠茶, 亦只系28蚊, 呢d咪又系抵啰!呢间食店既老板都深知均衡饮食既重要, 故各项食物
由于该处群雄割据, 所以师傅先带小第兜番个圈. 最后去了呢间师傅见常有人龙的店. 由于我俩都未试过, 所以颇为期待, 睇吓佢有乜把砲掳得一班食客既心!
虽然话系车仔面店, 但佢哋都有供应第二d嘢食, 如猪扒包, 各类多士等, 非常好!
就等小弟试试佢既奶酱多加冻鸳鸯啦!
多士汉得有微㶶, 不士hae汉, 奶酱份量亦多, 水准几高!
杯冻鸳鸯, 出乎意料咁好饮, 茶有茶味, 咖啡亦香, 惊喜!! 唔怪得知佢哋个招牌上面都推佢哋既奶茶同咖啡啦, 原来真系有d料到!
最离谱系2样嘢加埋只卖13蚊, 超抵! 想点?!
另外师傅叫了个4𩠌车仔面, 小弟亦试咗d,
猪红, 不太易散, 但略欠弹性, 属合格.
猪皮, 小弟食𠮶旧都算爽口弹牙, 但师傅有d却好淋, 旧旧质素不一, 亦属合格,
猪肠, 几有‘赵’头, 几好的!
牛肚, 正常水准.
汤底, 师傅话淡咗少少, 但见师傅不停加佢d辣椒酱, 好似几得咁啵, 相信加番唔少分!
4𩠌车仔面加埋杯冻柠茶, 亦只系28蚊, 呢d咪又系抵啰!
呢间食店既老板都深知均衡饮食既重要, 故各项食物同饮品既平均质数都非常之唔错, 并唔会因佢哋主打车仔面亦忽略咗其他产品, 值得掌声鼓励!
又平又有水准, 唯有讲声后会必定有期!
张贴
