Pickled Pelican (已結業)

男朋友安排游览完蒲台岛之后，夜晚系返赤柱食晚餐，我地坐系一楼窗边望住海景庆祝我既生日。海鲜拼盘有皇帝蟹脚、海虾、香草小龙虾、青口、海蚬、海螺、北海道带子伴干葱红酒醋及咯嗲汁。海鲜食得出鲜味同海水味，特别系蟹脚，但啲蚬有沙或壳，食时要小心啲，而我觉得北海道带子最好食。慢煮油浸鸭腿鸭肝酱多士几特别，几好食，几夹。墨西哥鸡肉馅饼热辣辣，饼皮包住鸡肉、芝士、少少洋葱，美味。佢有三款酱，我地都觉得牛油果酱最夹。红酒牛肉阔条面食落即系肉酱意粉甘，都唔错，只系望个名会以为会大大旧红酒炖牛肉姐。海盐焦糖朱古力慕丝甜度适中，配有一球海盐焦糖意大利雪糕同糖脆花生，男朋友一早叫左要写上生日字句。