ねずみの王冠 喫茶店

营业中

休息中

撘䢂至最高楼层，再行一层楼梯，先黎到呢间隐蔽嘅日式cafe。室内布置唔错，问题系餐枱餐櫈都好矮，坐得耐会脚痺，伸直脚又会踢到对面个人。 因为座位逼夹，又同隔离枱距离好近，私隐度低，所以我哋快快脆食完就埋单走人了。1\原条蒲烧鳗鱼炒饭鳗鱼颇大条，亦好肥美。炒饭味道都好浓郁，有阵阵鳗鱼酱汁味。若果炒饭同鳗鱼一齐食，会少少盖过鳗鱼嘅鲜味。伴菜系沙律菜配日式芝麻酱同腌萝卜。沙律菜几新鲜，可以帮忙清除口腔内浓浓嘅酱汁味，唔错。2\日式广岛炸蚝广岛蚝唔算好大只，外层炸得香脆，配上日本酱汁同柠檬汁，味道酸甜唔错，值得一试。3\鹿儿岛猪软骨野菜锅猪软骨好淋、好惹味。 份量较light，同朋友当小食share比较好。*相片取自影片，解像度较低。总括而言，食物味道唔错，份量轻盈。可惜因为CP值较低，而且坐得唔舒服，所以回头度低。