寶哥上海味館 (已結業)

今日去到深水埗办啲事， 去到三点几都未食过嘢 。非常之肚饿， 去咗附近嘅西九龙中心觅食 。一开始行咗上food court， 选择的确好多，但系就非常多人， 而且啲位置都唔舒服。 于是我就走返落去下低几层， 睇下有冇边间餐厅又抵食嘅下午茶。去到唔记得几多楼， 见到呢间上海餐厅 。见到入面得一枱客 ，而且位置都几好坐， 更紧要嘅系我谂起自己好耐冇食过上海嘢 ，于是就坐咗入去 ，连个餐厅名系乜都唔知。打开午市menu, 发现都几多选择， 而且一份主菜仲可以拼一份小食，仲有嘢饮 。埋单三十几至到五十几蚊， 都几抵食 。我就叫做一个担担面加三只小笼包 。等咗大概五分钟 ，担担面就送到， 卖相一般， 用粟米呢伴碟 ，感觉唔系好传统 。但系摆入口， 味道的确唔错 ，最特别嘅系花生酱非常浓郁。 小笼包喺五分钟之后都送到。 小笼包就真系非常好食 。皮算薄， 汤汁浓郁 ，配合埋醋食非常好食。 呢个价钱 配合呢个环境 ，非常抵！ 坐咗大概个几两个钟先走！