影片
更多
2012-10-04
1852 浏览
旧年食过一次位于西港城嘅「大舞台饭店」, 食物美味, 环境优美, 留低咗嘅美好嘅印象...今日同Honey重回旧地, 对今日发生嘅一点一滴, 实在难以忘怀!!!由于已经接近2点, 所以唔使等位, 直入...开咗壶龙井, 好好饮, 好浓郁嘅茶味...1:55PM 已经画好点心纸, 交咗比服务员A...未有o野食, 用iPhone 4S影吓相先...等食期间, 隔离枱位小朋友不停系枱与枱之间游走, 好唔耐烦咁话「唉... 45分钟都埋唔到张单... 做咩o架?!!」... 当时都GET唔到佢讲咩...过咗20分钟, 仲未有得食, 开始揾服务员A睇睇... 服务员A坚持有入单, 叫我等一阵就有得食...再过10分钟, 揾服务员B睇睇, 佢用D唔咸唔淡嘅广东话好HILL咁同我讲「今日部电脑坏咗, 落单后要半个钟先有得食, 冇人同你讲咩(咩字高8度)???」... (听完气顶到不得了)再过10分钟, 揾服务员C睇睇, 佢都系象征式走入厨房走番出o黎, 都系果句「等一阵就有得食」...再过10分钟, 揾服务员D睇睇, 佢都系象征式走入厨房走番出o黎, 连交带一声都冇, 就永远远离我地张枱... 其
今日同Honey重回旧地, 对今日发生嘅一点一滴, 实在难以忘怀!!!
由于已经接近2点, 所以唔使等位, 直入...
开咗壶龙井, 好好饮, 好浓郁嘅茶味...
1:55PM 已经画好点心纸, 交咗比服务员A...
未有o野食, 用iPhone 4S影吓相先...
等食期间, 隔离枱位小朋友不停系枱与枱之间游走, 好唔耐烦咁话「唉... 45分钟都埋唔到张单... 做咩o架?!!」... 当时都GET唔到佢讲咩...过咗20分钟, 仲未有得食, 开始揾服务员A睇睇... 服务员A坚持有入单, 叫我等一阵就有得食...
再过10分钟, 揾服务员B睇睇, 佢用D唔咸唔淡嘅广东话好HILL咁同我讲「今日部电脑坏咗, 落单后要半个钟先有得食, 冇人同你讲咩(咩字高8度)???」... (听完气顶到不得了)
再过10分钟, 揾服务员C睇睇, 佢都系象征式走入厨房走番出o黎, 都系果句「等一阵就有得食」...
再过10分钟, 揾服务员D睇睇, 佢都系象征式走入厨房走番出o黎, 连交带一声都冇, 就永远远离我地张枱... 其他服务员都系一样, 游到有咁远得咁远... 连附近D枱走咗半粒钟都唔执枱...
再过5分钟, 服务员E自己游埋o黎, 问我想要D咩...
我真系火起喇!!!
我饿到晕吓晕吓, 冇力叉腰拍枱, 冇力大大声讲o野, 只可以好虚弱咁同佢讲「我想食o野啰!!! 我坐咗系度1个钟, 1碟o野都未o黎过!!! 我嘅容忍已经到咗极限!!! 如果你5分钟内拎唔到D食物出o黎, 我即走!!!」...
服务员E急步步入厨房, 跟手唔够3分钟, 所有点心一拥而上!!!
岂有此理!!! 我同Honey讲, 点解D人咁衰, 系要人发火先肯认真D, 好声好气就当你死嘅, 搞到人地想扮高贵D都唔得!!!系呢D点心拎出o黎之前, 只系见到服务员不停埋单, 厨房一碟食物都冇拎过出o黎...
梅头叉烧肠--好味o架系, 可惜一肚火, 真系好难用好Enjoy嘅态度去食... Honey话个厨房成粒钟都冇o野做, 大把时间比佢慢慢整得好味...
瑶柱菜苗饺--又系好食!!! 睇相都睇到D皮有几薄, D菜苗有几脆绿... 可惜... 都系气顶...
古法马拉糕--又系好食!!! 上枱时服务员将佢HIGH咗落D唔知咩度, 哗!!! 好唔合卫生啫!!! 佢当冇件事, 我已经虚弱到讲多句都冇力, 唯有MET走果PART, LALA声食完LALA声走...
金瓜芋丝夹--又系好食, 等咗成个钟都觉得佢好食, 问你服未?!! 不过可能系因为我地饿过龙, 摆咩入口都觉得好食!!!
极速食完即闪!!! 留多一阵都火滚!!!而家D人, 冇咗电脑就唔识做o野嘅啦咩?!! 我地入座后, 再入座嘅都唔够3 PAIR人, 就算要你拎番我地张点心纸出o黎, 重新用白纸写4个点心嘅名拎入厨房, 都唔系好难啫吓话!!!
冇咗电脑, 当你冇埋计数机, 小学生都识加减数啦, 你用纸笔去计, 都唔使45分钟都埋唔到单吓话!!!
对住呢D咁高质数嘅香枧人, 只有... 无言!!!
张贴
