一盞燈 (已結業)

蛙蛙要去街，那个地铁站未去过？屯门，好拥挤， 柴湾冇嘢行， 提议此处（ 一早想嚟呢间cafe），近近地长沙湾站， 顺便可以去李郑屋古墓，细细个已经知， 始终咁大都未嚟过。 环境跟食评相一样，够宽敞，木系家私，切合餐厅禅意构想。 三文鱼牛油果意粉 $78，我以为一片片牛油果放面，原来搅蓉捞三文鱼，所以牛油果少咗，味不特出，变咗蕃茄意粉，味可接受。 厨师推介全日早餐$108，够大盘，烟肉大大长片，不干，好过鬼佬西餐厅， 松露炒蛋量多，滑度一般，大菇香，有质有汁，大蕃茄唔甜，我都好难买到。 茶啡种类，目不暇给，还有一些无咖啡因咖啡，好多想试，但禅味名字茶较吸引我，就拣一昼 一曙光 ，苹果接骨木茶，用中／日式小铁壸，小玻璃杯，用木托盘盛上，加上诗意小咭， gimmick 唔错，让我饮时，脑袋有回味，茶色淡红，淡香，不甜，不酸， 舒服。 当日天气凉凉地，坐个位好大风，但侍应说最近我们头顶都无开，10几部冷气机，那部吹咁劲，令我唔好坐咁耐！