影片
更多
2023-09-16
104 浏览
星期五同老婆去铜锣湾，想揾间野食，见到呢间好似评价唔错就上左去食。无 book 位但去到walk in 等左阵就有得入。入到去空间唔大，大约坐20人左右。食物点了潮式卤水火锅及潮式卤水拼盘（三𩠌：卤水鹅肉、慢煮盐香鸡及猪仔髀）。饮品点了鬼佬 Mojitos 及可乐。潮式卤水拼盘先到，原本几有期待，一食发觉卤水鹅肉味道好淡… 盐香鸡都算滑但都系淡味，猪仔髀正常无乜特别。垫底嘅豆腐有啲酸味怪怪地。跟住觉得太淡想拎个辣椒油嚟点吓，等左五分钟都见唔到个侍应，见到佢又唔得闲理我。辣椒油都正常嘅，普普通通。潮式卤水火锅先大镬。因为我地两个人坐张二人枱，根本同时放唔到火锅同拼盘，咁啱旁边张枱无人，侍应就拍埋果张枱俾我地，点知十分钟唔够又有人嚟，要我地俾番张枱佢，个侍应话要拎走碟拼盘，我地唯有急急脚夹晒啲嘢落个碗度…火锅食物有牛肉、墨鱼、鸭血、牛丸及生菜，质素唔系差又唔系好。讲番个火锅个锅本身系完全唔make sense嘅。底部用一个正方形燃烧物料去煲个锅，但用10分钟左右就会烧完，连煲滚啲水都有困难。个锅啲水差唔多全满，根本唔敢落咁多嘢食，惊啲水满到走出嚟。换咗3旧燃料都食唔晒啲嘢，最后我唯有同侍应
星期五同老婆去铜锣湾，想揾间野食，见到呢间好似评价唔错就上左去食。无 book 位但去到walk in 等左阵就有得入。入到去空间唔大，大约坐20人左右。
食物点了潮式卤水火锅及潮式卤水拼盘（三𩠌：卤水鹅肉、慢煮盐香鸡及猪仔髀）。饮品点了鬼佬 Mojitos 及可乐。
潮式卤水拼盘（三𩠌：卤水鹅肉、慢煮盐香鸡及猪仔髀）
$208
3 浏览
0 赞好
0 留言
潮式卤水拼盘先到，原本几有期待，一食发觉卤水鹅肉味道好淡… 盐香鸡都算滑但都系淡味，猪仔髀正常无乜特别。垫底嘅豆腐有啲酸味怪怪地。
跟住觉得太淡想拎个辣椒油嚟点吓，等左五分钟都见唔到个侍应，见到佢又唔得闲理我。辣椒油都正常嘅，普普通通。
潮式卤水火锅
$298
2 浏览
0 赞好
0 留言
潮式卤水火锅先大镬。因为我地两个人坐张二人枱，根本同时放唔到火锅同拼盘，咁啱旁边张枱无人，侍应就拍埋果张枱俾我地，点知十分钟唔够又有人嚟，要我地俾番张枱佢，个侍应话要拎走碟拼盘，我地唯有急急脚夹晒啲嘢落个碗度…
火锅食物有牛肉、墨鱼、鸭血、牛丸及生菜，质素唔系差又唔系好。
讲番个火锅个锅本身系完全唔make sense嘅。底部用一个正方形燃烧物料去煲个锅，但用10分钟左右就会烧完，连煲滚啲水都有困难。
潮式卤水火锅
$298
1 浏览
0 赞好
0 留言
个锅啲水差唔多全满，根本唔敢落咁多嘢食，惊啲水满到走出嚟。换咗3旧燃料都食唔晒啲嘢，最后我唯有同侍应讲叫佢俾个碗我，我要减走啲汤。之后趁仲有火，急急脚全部嘢抌晒落去，咁先至叫做食得完… 唔太肯定有冇啲嘢其实未熟…
饮品正常，但杯鬼佬 Mojitos 收近八十蚊有啲贵。
叫埋单𠮶阵，同咗侍应讲之后，佢又要执枱接客带位送餐， 十几分钟冇理我，之后我再同佢讲佢先至走嚟埋单。虽然佢有同我讲唔好意思，但都实在系等得太耐啦。
埋单两人近七百，其实咁嘅价钱，大把其他潮州餐厅可以拣！唔使去一间坐得唔舒服、食物普通、体验又差嘅餐厅。
张贴
