食客 - 韓食一番地 (已結業)

系屋企附近，见到间咁正宗既韩国食肆，当然要去试啦。食左几次，感觉唔错，几正宗，但去得就要忍受佢坐得唔系好舒服.. 因为佢舖位细，前身系一间补习社仔来的，所以唔好要求太高。试过几样食物，分享一下传统紫菜卷: $30 八件，料几多，包括黄瓜、萝卜、蟹柳丝等。感觉上好食过日本 D 寿司店，D 饭够黏，同埋 D 鼓油好多芝蔴香味。石头饭: 如果唔食得辣既话，记住在落单前叫佢走辣，不然佢会在上菜时，当住你面落辣酱黎捞匀 D 饭。食头饭都系多料，同埋佢好够味，天寒地冻时食佢，别有一番风味。炸酱面: 佢没有因为就香港人口味而调较 D 汁同埋料。D 汁几杰身，同埋佢系偏甜，同北方人的炸酱面有点似。面条系粗身的，而佢又唔算好弹牙。相比之下，石头饭同紫菜卷比佢吸引好多。虽然佢价钱唔算平 (在沙田第一城商场来说)，但呢间小舖长期都咁多人... 皆因沙田区缺乏正宗的韩式食肆矣。老板选址于此，确是聪明也。