銓仔記海鮮晚飯小菜

营业中

休息中

不止一次大赞大埔街市，楼底高、冷气够、食材款式多、价钱公道、通道宽阔，活脱脱系一个商场式街市。而去亲大埔市政熟食中心，例必一袋二袋，揪住去楼上小炒档加工，楼下海鲜款式之多，冠绝全港市政街市，揾唔到理由唔去拣吓。电梯口𠮶档全俾人预订哂，走咗去比较入嘅呢间「铨仔记」，反而相对清静冇咁嘈。来料加工计有：中型濑尿虾8只、花甲一斤、膏蟹2只、扇贝5只，总收烹调费$300可接受。最好系呢间调味肯减吓盐，但又不失调味镬气，唔驶食到死咸乸哂脷，每味𩠌煮得刚刚熟，冇搞到啲海鲜崩坏，几钟意蒜蓉粉丝蒸扇贝，好鲜甜；姜葱炒蟹够镬气惹味，自家嘅小炒皇韮菜花清甜、腰果脆、鲜鱿鲜，几好送饭。