Home Place Cafe (已結業)

早几日行行下旺角，又唔系咁肚饿，就求其揾间cafe坐下食下野，呢度感觉都唔错，坐得几舒服，同格黎枱又唔会好近搞到好逼咁。叫左个all day breakfast, 朱古力香蕉窝夫，两杯野饮，薄荷梳打同香蕉朱古力，明明加埋我地都系得三枱人，但系啲野都系好耐先黎，all day breakfast啲炒蛋系几滑，不过上到枱居然已经冻左大半，如果热辣辣咁食相信会更好。烟肉略嫌煎得过左龙，全块都系硬嘅，脆卜卜咁.....我就真系唔多接受到喇，火腿就正常好多，但两者都偏向多油，同埋都系冻左大半.....窝夫就正正常常咁，外边脆得刚好，又唔太甜。朱古力香蕉窝夫相对下就好好多，香蕉有火炙过，几得意，朱古力雪糕都好正呀，有朱古力薄片喺入面，窝夫都烘得ok, 整体感觉都好match。野饮就争少少喇，香蕉朱古力得朱古力味，得好微弱嘅香蕉味，而且朱古力感觉都粗糙啲，唔够滑。薄荷梳打就ok,好fresh,唔会涩。