孖寶 (已結業)

今日去咗上水同个朋友食饭，我哋想揾个静静地嘅地方倾吓计，所以去咗食西餐。入到餐厅，个环境都舒服，灯光微暗，地方唔算大，但亦唔会觉得迫。我哋一人嗌咗一个dinner set，大家share。好快就有餐汤同面包，餐汤系忌廉粟米汤，充满香浓嘅粟米甜味，面包系暖暖地，好软熟，几好食纽西兰肉眼(8安士)牛扒肉味香浓，有肉汁，一啲都唔干唔韧，切得厚厚地，口感唔错。伴有薯仔，西兰花，椒丝，豆等等嘅配菜，令人感觉好满足。传统玛格丽特薄饼呢个薄饼有惊喜，因为我冇expect一款咁传统同经典嘅薄饼可以做得咁出色！就咁睇相已经见到佢嘅芝士份量有几劲，系香喷喷热辣辣嘅半融芝士！番茄酱够多，饼底够脆，整个味道简单而丰富。脆炸鱿鱼圈见到呢个小食就忍唔住要加，因为我哋都好钟意食香口嘢。个鱿鱼圈新鲜炸起热辣辣好正，点沙律酱一流。饮品点咗冻柠茶同花茶。