樂園魚蛋 (亞皆老街)

营业中

休息中

印象中港式粉面店都系越传统越好食。 不过传统就即系舖头细细或睇落旧旧地既感觉。 今日黎到旺角经过乐园。 一来肚饿好想食, 二黎睇落好光鲜咁, 就入去试下。唔知系咪新开, 入到黎感觉好干净, 光猛舒服。 而且系旺角大街有咁大间舖都好唔简单。一坐底就叫野饮, 又渴又热。 一杯热柠蜜，一冻柠茶。 冲得几好饮, 真系有茶记水准。因为肚饿，同朋友都叫左双并。秘制牛杂配牛丸幼面, 秘制牛杂配猪手河粉。原来都几大碗。 而且虽然系双并，但都唔会话好少𩠌。牛杂都好丰富, 有牛肚, 牛蒡, 牛肺, 牛肠。 都系平时少食既野。 牛肺原来系咁, 好似真系未食过, 猪肺就食得多。 而佢既牛丸都好好味, 弹牙, 仲要好有牛味。 唔系一般合成野。 好少咁好味，几惊喜。而配猪手都唔错, 大大件, 几稔下。 估唔到睇落咁新既舖头都keep到咁传统既味道。 最紧要价钱都好大众化。 真系几唔错。